لما تبقي راكب أتوبيس وفي واحدة ست لسه طالعة وانت قاعد علي الكرسي بتقوم وتقولها اتفضلي يا ماما أنا نازل دلوقتي.
2 لما تلاقي راجل عجوز عايز يعدي الشارع ومش عارف تقوم أنت واخده من ايديه وتعديه.
3 لما تلاقي واحد عربيته عطلانه وسط الطريق ومحتاج حد يزق معاه العربية وانت راكب تقوم تنزل وتزق معاه.
4 لما تلاقي عامل النظافة كل يوم في الشارع تبتسم في وشه وتوحي له انك بتحبه وبتحترمه.
5 لما تبقي راكب ميكروباص وتلاقي واحد معاه حاجات كتيرة شايلها.. فتاخد حاجة منه وتحطها علي رجلك.
6 لما واحد تلاقيه بيتخانق مع حد وتقوله اهدي كده وصلي علي النبي وتقعد تضحك معاه عشان تهديه رغم إنك متعرفوش.
7 بتفرح جداً لو لقيت فرح في الشارع وتفضل ماشي بتسقف وترقص ولو لاقيت العروسة والعريس قاعدين في العربية تقولهم مبروك رغم إنك ماتعرفهمش.
كل الحاجات ديه صعب انك تلاقيها في أي حتة إلا في مصر الملخص اللي عايز أقوله.. م صر قوتها في شعبها وشعبها لما يحب بعضه هنبقي أحسن بلد في العالم إنما طول ما في خلافات وانقسامات عمرنا ما هنتقدم أبداً.
موضوع: إزاي تعرف إنك بتحب بلدك 
