لايق علينا التغير

تصدقى بقى ..
أن احنا وش مرمطة
نيجى نرسم الفرح
يطلع شوية شخبطة
لايق علينا الحزن
...
والقوانين
والمسئولين
لايق علينا الكدب
والكدابين
نقوم م النوم بردانين
منعرفش مين
سرق من مين الغطا
احلام كتير
في الهوا متشعبطة
حقيقى
احنا وش مرمطة
لايق علينا التغير
والتزوير
ومجمع التحرير
وشكل الميكروباص
وميدان الرماية
كأن الحكاية بالمقاس متظبطة
ليه يا حبيبتى
كل ما ابص ف عينيكى
احس كأنك لسه معيطة ؟



[ندعوك للتسجيل في المنتدى أو التعريف بنفسك لمعاينة هذه الصورة]