وأفتى يا مفتى
مايسة مسعود
[ندعوك للتسجيل في المنتدى أو التعريف بنفسك لمعاينة هذه الصورة] وشلنا نظام وجبنا نظام متآخون والصفقة تمت بسلام والريس قال بخاف الله قولنا نطبق شرع الله
ودمجوا سياسة ودين مطلبنا ديمقراطية مش ندالة وانتهازية، وهتف الريس أنا المسئول عن أى برىء مظلوم
عن أى فقير محروم عن كل شهيد حقه مجاش عن كل كرامة مصرى اتهانت بره وجوه،
أنا المسئول عن الحرية لكل سجين مظلوم شاف الويل من كلب الليل.
أنا المسئول عن كل بنت اتعرت واتسحلت وبأيد أخواتها بلا رحمة انكسرت
أنا المسئول عن عسكرى حارس بلده وبأيد الغدر روحه اتخدت.
أنا المسئول عن كل فقير مش لاقى العيش، عن كل طفل أتيتم ومشفش الرحمة وشاب وأتشرد.
وجبنا رئيس وشلنا نظام وجبنا نظام متآخون، وقالوا النهضة فى القرآن وأفتى يا مفتى لأى نظام.
واللى يعارض الريس يهدر دمه ونكفر اللى ميعجبناش ويعارض يبقى خاين وعميل.
واللى معانا يسمع وينفذ من غير ما يفكر واحنا نقرر وبقى الإسلام فى نظرهم لبس ودقن.
وأفتى يا مفتى لأى نظام وشيوخ شغالة سب وقذف فى الفضائيات وحبة نفاق.
تسأل وتقول مين دول لأ دا نظام مش عاوزة كلام تطلع مين علشان تعارضنا.
وأفتى يا مفتى لأى نظام وسبنا فساد متراكم وناس بتموت من الجوع وسبنا الجهل والأهمال.
واللى مات وحقه مجاش وشاغل نفسك بالمرأة تجوز أمتى وتقعد فى البيت والمرأة دى عورة.
طب قولى يا مفتى إزاى بتهنها ونبيك كرمها أفهم دينك قبل ما تفتى لأى نظام.
أمثالكم ساء للدين وياريت فاهمين رخصتوا الدم وزودتوا الهم وعدمتوا الناس من الإحساس.
مبقأش فى كرامة وعايشين فى مهانة ألغى الدعم وجوع شعب عادى يا بيه وهتفرق أيه.
عبى وكوش وأحنا نحوش علشان خاطر لقمة عيش نضرب بعض ونموت بعض ونكفر بعض.
عاوز أيه من شعب اتقسم ل3 أجزاء، صفقتكم بقت معروفة للشعب بقت مكشوفة
طبختو الدستور على كيفكم، وبقينا جهلاء، وأنتوا الخلفاء هدوا حضارة باسم الدين وياريت فاهمين.
وأفتى يا مفتى لأى نظام
[ندعوك للتسجيل في المنتدى أو التعريف بنفسك لمعاينة هذه الصورة]
موضوع: وأفتى يا مفتى 
