بعد 42 سنة من وفاة الزعيم.. عبد الرحمن الأبنودى يكتب: موَّال.. لجمال!!

[ندعوك للتسجيل في المنتدى أو التعريف بنفسك لمعاينة هذه الصورة]

….. وألْف رحمة على اللى لِسَّه «قُلْنا وقال».

اللى مَضَى وذمِّته.. مَثَل جميل.. يتقال.

[ما هى نادْرة فى مصر حاكم.. يطلع ابن حلال.]

حاكم.. يِدادى الجميع.. ويبوسْ رقيق الحال.

وده عِشْقِتُه: فلاحين.. طلَبة.. جنود.. عُمّال.

وخاض معارك جِسام.. مين طلّع الاحتلال..؟

مين اللى صحَّى الشعوب.. تكسَّر الأغلال؟

ويْبُخُّوا أكاذيب فى سيرتُه يسمِّموا الأجيال.

من بعد ما شفنا غيرُه.. فهمنا عهد جمال.

ياما انتصر.. ياما حَرَنِ المُهْر بالخيَّال.

هل كان وجوُده العظيم.. حقيقة والاّ خَيَال؟

أسطورَة حيَّة.. ما زالت عاصْية ع الموّال!!

أبو النضال.. بانى سَدّ العزّه فى أسوان.

اللى استردّ الكنال فى خُطبه.. م البريطان.

لكلّ خطوة تمَنْ.. ولكلّ فجر أدان

ولِسَّه صُوتُه الجميل… بِيدوّى فى الميْدان.

حارب.. وصنّع بلاده.. بَقى لْها صُوت.. وكيان.

وزّع على الفلاحين.. دوَّقْهُم الفَدَّان.

وقالْ لُهم: «حقُّكُم.. لا مِنَّه ولا إحسان».

وزرعْها منارات ثقافة.. تضوِّى للإنسان.

مِش تِطْفِى عقْلُه.. وتملاه عَنْكَبَة ودُخَّان.

قال: «الوطن للجميع.. والدين للدَّيان».

مش قام عَرَضْ أمِّتُه ع الدنيا فى الدكّان.

لأ.. مات فداها وْما زالت تذكره للآن..

للآن.. وبكره.. وبعدُه.. (وردة الأوطان).

يا….ه ع الزمن.. كنّا فين وبقينا فين قوللّى:

صوت مصر ليه انطفى.. وطفانا جنبُه.. يا خال!؟؟

» عبد الرحمن الأبنودى.. الإسم غزَّة (مرثية متجددة)
» وفاة أمريكى مخنوقًا بعد أكله للصراصير
» اليوم السابع يعيد نشر آخر حوار لجمال البنا
» الصحة: ارتفاع عدد ضحايا "البدرشين" إلى 103 مصابين و15 وفاة
» مربعات الأبنودى 2 .. وتأريخ شعرى لثورة 25 يناير 2011