د. هانى أبو الفتوح يكتب: عاشْقَكْ وطنْ ولَّْا كَفَنْ ! [ندعوك للتسجيل في المنتدى أو التعريف بنفسك لمعاينة هذه الصورة] عاشقك وطن رغم المحن
ما تقولى بس حكايتك ايه
الحزن لو كان له تمن
بحر الدموع يملى عنيه
ولو يدور بينا الزمن
نرجع نبوس فى تراب ايديه
........................
فيه ناس تقول ساكنك شيطان
وأنا عمرى أقول عنك ملاك
عاشقك قوي
عشق الحياة لو ترتوي
دمى فداك
بس انت ترجع للحياة
ارجع بقى وافرد لنا طوق النجاة
.....................
الفجر شقشق
وانت لسه واقف هناك
فى المزلقان وعلى الحدود
وفى الميدان قصة خلود
كان الدعا وقت الآدان
وف السجود
ندعى نقول ارجع بقى
امتى تعود
دا انا اللى خطيت المحن
و انت اللى عديت السدود
اسأل ولادك واقرا التاريخ
واقرا الآيات من غير شهود
..................
ان كنت ناسى افكرك
مكتوب عليك بلد العجايب
والدنيا شايفاك أمها
حتى العدا حتى الحبايب
عاشقك وعشقك فوق جبينى انكتب
والقلب دايب
عاشقك ولو مليان مصايب
بس المصيبة كلها فى البعد عنك
وأنا عمرى كله انكتب
سنى فى سنك
...................
كفاياك سكوت
اصرخ بقى لم الولاد
دا فى كل حتة حاصدها مووت
القطر حالف يدهسك
وعلى القضيب الدم سال
وصراخ لصوت
اوعاك لا تسكت عالألم
دا الجرح شاقق قلبنا يا جرحنا
يا حزن ياما بالفرح بيضمنا
ولما جيل ثورة طرح شال همنا
بس الهموم من كترها بتلمنا
شهدوا عليك الناس بحالها و الزمن
انت الحياة وانت الممات انت السكن
بس السكن ازاى يكون
هى الحقيقة زى الخيال زى الجنون
أنا قلبى كان ابيض حنون
بس البياض وسط العلم بقى الف لون
ابيض فى اسود و بدم أحمر اتغسل
شوف ضحكته زى العسل
واللى أتظلم
بيقول وطن رغم الألم
مجروح وطن ينزف وطن
ملفوف هناك بقماش علم
بدال ما نجرى نرفعه نلقاه كفن
موضوع: عاشْقَكْ وطنْ ولَّْا كَفَنْ ! 
