إسلام أسامة يكتب: خايف
[ندعوك للتسجيل في المنتدى أو التعريف بنفسك لمعاينة هذه الصورة] -كان نفسى أقول ثورو.. خايف أكون كداب
خايف أقول سقطت .. برضو أكون كداب
خفت أسكت يقولوا .. من خوفه سك الباب
نفسى يكون بكره أجمل من امبارح .. خايف ما عيش بكره
خايف أعيش بكره أحن لمبارح وألعن أبو الفكره
الحلم لسه كبير بس الصعاب أكبر
لسه الهموم أوتاد وربنا بيستر
فينه طريق النور .. فينه طريق الفجر
أدن أدانه الديك .. بعد اما خانه الصبر
خايف أعيش عمرى .. للصبح مستنى .. ألقى اللى جاى القبر
خايف أعيش تايه .. غريب .. وفاته القطر
..
2-جانى الشهيد فى المنام .. سألنى عاللى جرى
فينه حكم القضاء .. والعدل فين يا ترى
ليه الخسيس لساه .. بعيد عن المشنقه
ليه الشهيد لساه .. مكتوب عليه الشقه
لو كان بايدى والله .. لعملهم محرقه
ملعون أبوك يا عدل .. اعدل ميزانك بأه
أنا قلت حكم القضاء .. باللى الدليل قاله
جابو الدليل سألوه .. جاوب على سؤاله
فال الدليل جاهل .. ولا شفت أشكاله
مين جاب الجمل .. من عند جمّاله
مين قال اقتلوا .. مين دفع ماله
رد العلم عند الله .. وبصم من تحت أقواله
قال الشهيد شاهد .. لو تسألوه دمى
عمره فى يوم ما يتوه .. من اللى قتل حلمى
كافى عليك يا ليل .. سلمتلك فجرى
فجرى صغير اتولد .. من قلب جوف قبرى
كافى عليك يا دهر .. ما طلبت غير ثأرى
ما كفايا غش الزهر .. بعد أما ضاع عمرى
موضوع: لسه الهموم أوتاد وربنا بيستر 
