بكتب معاناتك بنبض قلبى

صحيت من النوم
على ناس بتصرخ
وناس بتتفرج
وناس بتضحك
ناس شايفه الحياه ألوان
وناس ساكته عمرها ما تنطق
ناس العتمه جواها غيوم
والأمل محروم يكون
حياه صافيه
اشكى لمين همى
واجمل شيىء ضاع منى
يا بلادى يا حته منى
أنا العاشق ترابك
انا العاشق هواكِ
انا العاشق فداكِ
أنا الروح لأجلك
حاضن نسيم عطرك
يا بلدى
يا رمز العروبه
يا شرفى
مصر عمرها ما تتهان
مكتوب عليه أحبك
وأعشق ظلام الليل فى قربك
وأتوه فى حضنك
ويلفنى علمك وقت الشدايد
حبك كتير قبلى
مسلم
مسيحى
عربى
يا بلادى يا حره
بكتب معاناتك بنبض قلبى
هانت علينا رمالك
هانت علينا كرامتك
لسه الأيادى خفيه
عطشانه لدمانا
مهما الظلم يطول
النور حاضن خطانا
نهضتنا بعيده
غريبه
حلم الحريه غالى
حلم العداله مات
زمن السكات فات

سيد منيرعطية