سألتنى ايه الفرق بينها
وبين جميع ما قبلها
انا قولت انتى مش مجرد
واحده عشت أحبها
انتى اللى بيكى انا ابتديت
ابنيلى جوا عنيكى بيت
...
وأعلن عن الدنيا اعتكافى وأسكنه
نظرات عنيكى بإختصار بيجننوا
فتعالى نرسم حلمنا
فوق المدى ونلونه
حبك قرارى وإختيارى
والنهارده جاى قصادك اعلنه
واحلف يمينى بالولاء لعيون
سعادتك
ميهمنيش مـ الدنيا دى انا
غير سعادتك
فإفرحى !
وتعالى عيشى فـ كل نبضه
وكل تنهيده لضلوعى
قبلك بكيت من وحدتى
دلوقتى ببكى لفرحتى
فـ متمسحيش خالص دموعى
سبينى افرح جوا منك وأبتدى
وإياكى عنى فـ لحظه
تيجى وتبعدى
واتنفسينى والمسينى فـ كل شيئ
وإتنهدى
وإستبعدى فكرة فراقنا والنبى
مين اللى يعشق واحده زيك
ويسبها الا إذا كان غبى
انتى فعلا كل حاجه حلمت بيها
وكل حاجه فـ الحياه محتاجلها
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: سألتنى .. وجاوبتها 
