أشعار وكلمات تقطع القلب وحادث أسيوط .. منتديات صحبة دراسه

إن مِت يا أمى ما تبكيش
إنتى عرفتى إن القَطر دخل فى الأتوبيس
كان جنبى أخويا وصاحبى معانا
شايلين شنطنا فيها الكتب والكراريس
وبنحكى وبنضحك ضحكة بريئة لا فيها غش ولا تدليس
أوعى تقولى وتغضبى ربك وتقولى رحنا فطيس
أوصيك يا أمى السادوتش بتاعى النهاردة
تديه بدل منى لأختى لميس
وتقوليلها ماتزعلشى سواء كان
من طعمية أو بطاطس أو كالعادة من فول تدميس
أطمنك يا أمى أنا حاليا فى إيد أمينة
وملائكة الرحمن ليا أنيس
فى جنة خلد فى درجة عالية لاينالها عابد أو قديس
أنا فى انتظارك وهاتى بابا وحيكون نبينا لينا جليس
بالمناسبة سكن جنبى أويا من غزة
قالى أنا جت من عدوان عدو خسيس
فاقت أفعاله أفعال جنود إبليس
هديت من روعه وقلتله أنظر القصرالعالى
دا ليك واليوم حنزفك ليه زفة عريس
يا أمى كلمة أخيرة مع مرور الوقت
الكل حينسانا ولو افتكروا حيقولوا
أيوه أيوه فاكرينهم هما دول بتوع الأتوبيس




[ندعوك للتسجيل في المنتدى أو التعريف بنفسك لمعاينة هذه الصورة]

أفتح وأغمض ألاقى المنايا
وقطر بيدهس حشايا وضنايا
ويخطف آمالى ف لحظة وثانية
ويسرق معاها حياتى ومنايا
***
واسأل ما لاقى ف عينهم جواب
تقولِّى دموعهم ضنايا وغاب
ويخنق ف قلبى بقايا كتاب
وشنطة وجزمة وحتة شراب
***
ملايكة ترفرف وتحضن تراب
وف الفصل نكتب جميعهم غياب
وأطلب لنفسى وأهل الضحايا
يِصَبَّرْ قلوبنا ليوم الحساب
***
بدمعى ودمى كتبت الحروف
تغرغر عنيَّا مَعُنْتِشْ بشوف
وفينك يا يوسف تجيب القميص
تغطيلى وشى تبان الكفوف
***
فقدتك يا جوزى وطفل ف حشايا
وقلت معينى وسندى وعصايا
توكأ يا قلبى وعيش الحياة
وباسنى وسابنى ألملم بقايا
***
لجأت لبابك يا رب الحياة
وبرفع كفوفى واصلى الصلاة
ودمعى سابقنى أنادى الإله
يكون لى شفيعى وأدخل معاه