نفسى تحسوا إن أنا إنسان

نفسى تحسوا إن أنا إنسان

[ندعوك للتسجيل في المنتدى أو التعريف بنفسك لمعاينة هذه الصورة]


نفسى أعيش زى الناس نفسى ألاقى كل حقوقى إمتى تحسو إن أنا إنسان.

نفسى فى لقمة مش بتراب متعاصة.. نفسى فى هدمة ما تكنش قديمة ..
نفسى أتعالج من غير واسطة نفسى أتوظف من غير واسطة..
نفسى أتعلم إزاى أفهم كل حقوقى مش أتعلم أبقى جبان.

أسمع وأطيع من غير تفكير نفسى أعيش إنسان،
مش عايز أموت من الإهمال ويقولوا نصيب،
مش عايز أموت من عنف نظام ويقولوا شهيد،
مش عايز مرة أطالب بحقى ويقولوا ببلطج

أنا إنسان وحقوقى مش أحلام.. أنا مش نملة من كتر الزحمة أموت وانداس..
ده حتى النملة أحسن منى بتاكل سكر وأنا أكلى وسط زبالة على أى رصيف..
فين الرحمة وفين العدل مش عايز أتعمم ولا أتكمم باسم الدين ..
من حقى أثور على الظلم من كتر الظلم بحاول أهرب وأتغرب يمكن أعيش إنسان.

ولما أتغرب برة وحد يهنى أو يظلمنى يقولوا قانون وألبس تهمة

طب إيه التهمة شتمت أمير وأنت غفير لازم يطلع عين إللى جابوك أنت وأبوك..
ده يبقى أمير يعنى فلوس ونفوذ أما أنت مجرد نملة
هو يا ربى ما ليش الجنة غير فى الآخرة طب والدنيا..
جيت أنا ليه حد يقولى يا نظام ما حماش أى ضعيف..
كل قانونك هم وظلم صنعت الفقر وعملت مواطن بلطجى وجبان.

ليه بتطالب بضبط النفس مش عارف أهرب أروح على فين
يا نظام بهدلنا بره وجوه . إمتى تحسو إن أنا إنسان عايش بس مجرد اسم.

مايسة مسعود