ليه بتخبى حروف جواك

نصر الدين محمود سالم يكتب: ياللى معاك الدنيا بنورها

[ندعوك للتسجيل في المنتدى أو التعريف بنفسك لمعاينة هذه الصورة]


يللى معاك الدنيا بنورها
عيش فى الدنيا وأقطف خيرها
افرح غنى ولوث نيلها
وما يهمكش وشوفلك غيرها

اضحك أوى واصرخ جواك
ولا بيهمك مين يهواك
ودوس ع حد بيترجاك

ما أنت أخدت الدنيا بحالها

افرح يله وعيشلك يوم
يمكن مرة يجيلك نوم

خللى الناس كلها تحميك
وشوفلك دنيا تانية بدالها

خد وياك أحلام حبيتها
ليه بتخبى حروف جواك
ما أنت قلبت الصفحة داريتها
حتى رميت فى الحزن دواك

عايز ليه تحزن وخلاص
ما أنت حكمت نهيت فى الناس
وجيت وومسحت تاريخ وانداس

والأختام الجاية بتاعتك
أحكم يله وعللى فى سورها
وأقطف زهر الروح وجمالها
أحكم يله وأنهى آمالها

آخر كلمة معاك وبقولها
حِِب الدنيا اتحمل نارها
ما أنت أخدت الدنيا بحالها

[ندعوك للتسجيل في المنتدى أو التعريف بنفسك لمعاينة هذه الصورة]