شهرزاد
صاحبة المنتدى
الساعة الآن :
عدد المساهمات : 4759
تاريخ التسجيل : 15/09/2012
الموقع : منتديات صحبة دراسيه
الأوسمة
:
 |  موضوع: "شهيد فى مواجهة الكفّار" قصيدة للشاعر سعيد حامد شحاتة الإثنين يناير 21, 2013 1:51 pm | |
|
ما تعزلينيش عن الثورة
وسيبينى أتحامى فى الثوار
أنا ابن الأرض وابن النور
وقاهر جبهة الفجّار
أنا الملح ف حيطان الدور
وقنديلك فى سقف الدار
أنا ابن جناين البنور
وأنا ابن وريدك البتّار
وأنا ابن الخاتم المسحور
وأنا ابن الشوك على الصبار
فما تلومينيش وأنا مهاجر
لأرض مدينة الأنصار
وسيبى النيل يفيض بشويش
وحِنّى على الغريب فى الغار
وحَنّى إيديكى بالأفراح
إذا الوطن اشترى المغوار
وما تعاتبيش وطن قادر
يباهى ويشترى ويختار
ويكْرم روحى ساعة الموت
بكلمه ف نشرة الأخبار
وما تحسّيش بصهد الخوف
وصومى وصَبّرى السمّار
وحُطّى على الضريح ياسمين
وورد وشاليتين نوّار
وضُمّى ضلوعى ساعة الليل
وصلّى عشانى كل نهار
وقولى لكل من شافك
شهيد فى مواجهة الكفّار
وقولى لوالدى: مات عايش
وعاش لمّا انضرب بالنار
| |
|
