سيدنا الريس كيف لاحوال عال وكويس دايما عال عارف معنى الحلم يا ريس أرض وشايله فوقيها جبال ناس وحمولها على المتعال أول كلمة حب تقولها لأول بنت حلمت معاها بعيشة حلال أول فرحة بأول عيل أول شغلة أول قبض أول مرة فى تالتة شمال عارف معنى الشاب يا ريس ورد على الأيام العترة زرعة عمر خلى البال دفا م البرد وضهر وسترة عوضك لما تكون متعشم أرضك لما تكون رحال عارف معنى الفرحة يا ريس لما تفوت من غير ما تحن عارف معنى الشاب يا ريس لما يموت من غير ما يئن ساكت خالص خالص خالص تعرف تسكت زيه يا ريس اسكت خالص سيب العار يوصف لك شكله ..
موضوع: "سيدنا الريس" قصيدة جديدة 
