العقارب وقفة محجره ما بتمشيش والليل طويل والفجر ما بيجيش وقفة من زمان من حوالى ستين عام الحال هوالحال والكلام نفس الكلام الطفل يتولد وفجأة يكبر ويموت وطول الرحلة الكلام شكل السكوت النور يظهر فى السما والقلوب جواها خوف لولا أديسون والسما ما كنا يوم هنشوف كام اختراع هزنا من ستين عام غير اختراع الكرسي المطرز بالكلام العمر الطويل بعدى كأنه حتى ما جاش أسرع م الصوت والضوء وأرخص م إلِ تمنه بلاش لا حفرنا حسنة فى تاريخ ولا حتى فى الفلاح وحتى إلِ عاش مناضل حصاده كان الجراح بكرة زى اليوم يا دوب بنكبر يوم وتزيد أعداد المشاكل وتزيد أعداد الهموم بذور الأرض شوك والجرح للإنسان وكل بذور الأمان صبحت للجبان نفسى أشوف بكرة جديد صباحه حب وليلة أمان سطور فى تاريخ مجيد وشرف فى كل مكان نفسى لوقبل الموت بساعة أشوف القبور للأموات وبس أشوف بلدى بدون مجاعة وأشوف رئيس بشعبة حس أصل جدى زمان قلي يا ابن بنتى الدنيا حلوة معرفش إن كان خدعني ولا بجد كانت حلوة رغم الفقر كان غنوه فى البيوت والبيوت من طين والسقف من عنكبوت.
موضوع: الكلام شكل السكوت 
